Iman or Taalim ( Teaching of Beliefs)

March 1, 2016
No Comments

IMG_20160301_214933

    IMAN OR TAALIM (Teaching of beliefs)

Súwal ။   ။ Ho wán cis or uore Islám bone?

Juwab ။   ။ Fañs (5) sán cis or uore Islám bone.

Súwal ။   ။ Islám bone de fañs (5) sán cis íin ki ki?

Juwab ။   ။ Islám bone de fañs (5) sán cis íin óilde:

  1. Kolma toiyuba (noóile) Kolma cahadót óre zuban e sóiyi gorí foróon, tar maáni ré buzí dil e biccác goróon.
  2. Numás foróon.
  3. Zokaát doon.
  4. Romzan córif (mac) ót ruza rakóon.
  5. Hójj goróon.

Súwal ။   ။ Kolma toyuba hoóde íba ki ar íbar maáni ki?

Juwab ။   ။ Kolma toyuba ibá ré hoó

Kalma11

[Laailaahá íllollaahú muhámmodúr rosúlullah],

Ibár maáni yián: [Allah ré baade ar honó kiyóre ebaadot goróon ór laayek nái, ar hózorot Muhámmod Mustafa (ss) Allahr Rosúl].

Súwal ။   ။ Kolma cahadót hoóde íba ki ar íbar maáni ki?

Juwab ။   ။ Kolma cahadót ibáre hoó.

IMG_20160311_203138

[Achaduanlaailaaha íllollaahu waáchaduánna muhámmodon abduhu worosúuluhu], ibár maáni yián, [Aññí gobá dir o hotár uore Allah ré baade ar honó kiyó ré ebaadot goróon ór laayek nái, Aññí aró gobá dir o hotár uore hózorot Muhámmod Mustafa(ss) Allahr bonda ar rosuul].

Súwal ။   ။ Kolmar maáni  no buzí yóre cúde kolma ré zuban e foillé manúic íba Musúlman bonibóu né?

Juwab ။   ။ No bonibóu, Kolmar maáni ré buzí dil e biccaíc goróon arde zuban e foróon zoruri.

Súwal ။   ။ Kolma ré zuban e sóiyi gorí foróon ar kolmar maáni ré buzí dil e biccác goróon yían óre ki hoó?

Juwab ။   ။ Iman aná bóuli hoó.

Súwal ။   ။ Bug manuíc ókkol é mati no faré dé ótolla kolma ré zuban e forí no faré, toóile ítara iman ainné dé yían keén gorí zani faribóu.

Juwab ။   ။ Bug manúic ókkol Allahr kudurot or zoriya mati no faré dé ótolla ítarar icára yé iman ainné dé yían zani faribóu. Yáani (ítarar icára lói yián zahér gorí foribóu, Allah uggwá☝, ar hózorot Muhámmod Mustafa (ss) Allahr Poikambor).

Súwal ။   ။ Musúlman ókkol óttu ho wán cis or uore iman anóon zoruri?

Juwab ။   ။ Musúlman ókkol óttu háñt tan (7) cis or uore iman anóon zoruri.

  1. Aññí iman ainní dé Allahr uore.
  2. Allahr fírista ókkol ór uore.
  3. Allahr kitab ókkol ór uore.
  4. Allahr poikambor ókkol ór uore.
  5. Allah ye banaibóu dé kiyamot or din or uore.
  6. Duniyait mazé bála arde bura beggín Allahr torfóttu óde yían ór uore.
  7. Moroon or baade abbar zinda gorí bóu dé yían ór uore.
Lekóya: 
Citizen of Arakan, Borma [Aikkab, Nazir Fara]
Father of Rohingyalish, Eng. Mohammed Siddique(UK)
Tags: