Jonab Ba Tun @ Kolimullah (BA.BL) zibá Buthidaung ór uggwá Ruáinga Bormár Redhuyu’ttú Ruáinga zuban ot hóbor hoitóu Mee 1961 óttu Sept 1965 foijjonto. – U Ba Tun @ Kolimullah (BA.BL) a Rohingya from Buthidaung broadcasting from Burma Broadcasting Service (BBS) from May 1961 to Sept 1965.
1961 ot
Bormár Redhuyu’ttu
Koumi Bácindar Forugram ot
Ruáingá Aiccíl
Bormár Redhuyur Abas ottú Bormár bácinda koumi ókkol ór hotá lói, forugram ókkol óre 1947 cón ottu cúru gorí, abas sári diya giíl. É woktót Shán koum or forugram oré, Rooibare baáde, fottí din (10) miníth ditou, Kachin koum or forugram oré, háfta ye ek motta, (10) miníth, abas sári ditou.
Cúru gorí abas sári diíl dé: Tarík ókkol:
(A) Shán zuban 17-06-1947
(B) Kachin zuban 15-01-1947
(C) Skó Kayin zuban 01-01-1948
(D) Pu Kayin zuban 01-05-1948
(E) Chin zuban 15-09-1959
(F) Mon zuban 15-05-1961
(G) Pa Uu zuban 15-05-1961
(H) Láahu zuban 15-05-1961
(I) Rohingya (Ruáinga) zuban 15-05-1961 (for 4.5 years)
(J) Kaya zuban 01-11-1965
Mon, Pa U, Láahu arde Rohingya zuban or forugram ókkol óre 01-10-1965 ót tíai gorái féille.
17-04-1964 óttu cúru gorí, ehón aséde thaim mozin, zuban uggwá’lla (15) miníth foijjonto, ziyadá gorí, abas sári diíl. 15-02-1971 ór rait ottú cúru gorí zuban uggwá’ll (30) miníth foijjonto, thaim aró bicí gorí di sáribou.
E koumi bácindar forugram ókkol óre, baiththá micín lói, fottín raitta 05:30 góndha’ttu rait or 09:00 góndha foijjonto alok forugram hísafe sári diya zaibou.
Ótolla yián bicí sáf sáf gorí buzá zardé Ruáinga ókkol Arakan or uggwá asól bácinda, zeçé Ruáingar lá 4 bosór 5 mác foijjonto Bormár Redhuyu’ttu Ruáinga zuban loi hóbor and gana ókkol Redhuyur forugram ot sári ditou, Bormá beggúla, Ruáinga ókkol é fúni fare fán. Nise Bormá zuban lói leikké dé sóbut ókkol saái faribá, ziyán óre uore torjuma gorí dahágiye.
Bormár Redhuyu Abas or 25 bosórí Rufali Sabin ot leikké dé kitab ot faa zaibou zibá ré Februari mác 1971 cón ót leikké.
Tiríc (30) Bosór Bormár Abas
U Kyaw Yin torfóttu lekágiye
Pye Ruúdh – Noya Abas Sárede Bildín
Bomár Redhuyu’ttu Tiríc (30) bosór ór Mahafíl ót U Ba Tun@Kolimulla (BA.BL) é Ruáinga Zuban ot Abas sárider (BBS 30th ceremony & U Ba Tun (Kolimulla) broadcasting in Rohingya)
Abas sárede thaim ókkol óre, atíkka borogorí nofaillé yó, Dec ór bácinda ókkol ór ettefák óre, muúntu rakí, bácinda ókkol ór forugram ot mazé, ehón aséde báca ókkol baáde, aró báca sair (4) gwá barái abas sáridi bellá, hókumot or fáisela mozin 1961 cón, Mee 15 tarík ot Mon báca, Pa U Báca, Láahu báca arde Rohingya báca forugram ókkol óre, báca uggwá 10 miníth ór dóre loi, cúru gorí, abas sári dibou.
Bormár Abas Dusára Paáth
Julai 28 tarík, Buidbare
Góndha|Miníth Bácinda Forugram
Ázinná 5 30 Khacin zuban forugram
Ázinná 5 40 Kayin zuban forugram
Ázinná 6 00 Pa U zuban forugram
Ázinná 6 20 Rohingya zuban forugram
Ázinná 6 30 Chin zuban forugram
Ázinná 6 30 Shan zuban forugram
Ázinná 6 50 Láahu zuban forugram fúraiye
Ázinná 7 00 Zoban mozin Gana ókkol
4. Bormár abas ottú Rohingya zuban abas-diyar-forugram sáridiya giyé.
1961 cón Mee (15) tarík óttu cúrugorí, Ruáinga koum oré uggwá gura koum hísafe maniloi, Ruáinga zuban oré cúrugorí abas sári bellá, ejazot diyagiyé. Abas sáridiyat mazé, háfta ye (3) thaim or dore, thaim e thaim e, dusára Bormár forugram ottú ázinná (5:30) góndhat mazé, baiththá-láing mithar 62.67 arde 26.17 ottú Ruáinga zuban loi abas sáridiya giyé.
Eng. Mohammed Siddique Basu, London, UK By the help of Haji Zaw Tun and others