hóro thaiyon

Hóro Thaiyon

Hóro thaiyon óre Ingilíc ót tomato bouli hoó. Añárar zuban ot kessú maincé seróf thaiyon bouli hoó. Baiyon arde thaiyon nam ekkán lói ekkán bicí bone. Hóro thaiyon or rong kisím kisím óit fare zeén néki bicí lal, hom lal, óilodda yá keñsa háil rong. Daktor ókkol é hoóde adá keñsa háil mikka thaiyon gaar lá bicí gom, ebbre lal thaiyon ottú áro.

Thaiyon or fáaida ókkol becá bicí asé. Thaiyon dasé gaat lá sóbse beétor óde hánar bútore asé. Gaar lou sáf goríbélla sóbse bicí gom, ziyán é gaat mazé gáa arde feñsara óitou node. Aró háñtdhi’lla yó gom, norom noó fán. Háiñs uçí giyói de maiya fuain dór lá bicí gom, ar gaa’ttú dóla dóla sam uçí zagóide íin ólla yó bicí gom.

Kolób ólla thaiyon bicí gom ciz, rok or bútore óde soróf ókkol haçi féla. Ar féccar biaram ólla yó bicí gom. Ar thaiyon e hóraf kensar-biaram noói bélla yó héfazot goró. Ar, morot fuain dór cúnar-sóor kensar ólla yó modot goré. Hóro de ótolla keñsa yá sálon ot di háite yó bicí moza.

Eng. Mohammed Siddique, Rohingya Language Foundation, UK