RUÁINGA ÓKKOL BUTH DHUFÍ MORER
Arakan or Sándamát tú aiyér dé, Ruáingar buth ekkán Aikkab or Guaillar-Dheil or sor ot mazé dhufí, becá bicí Ruáinga ókkol mori cóyid óigiyói.
Sándamát tú Aikkab ot mazé aiyér dé buth íin, dui házar baró (2012) cón or age, Aikkab or bor bazar or gáñth ot ouzi tóu. Dui házar baró (2012) cón ot mazé Mogh ókkol é, Musúlmán ór gór arde duan ókkol fura di, refújír keém gólai di baade loti, buth íin bor-bazar or gáñth ot ouzi noó fare. Aikkab or Guailar-Dheil or gáñth ot ouze.
Ipril or 19 tarík 2016 ot aziya Monggol bare din or 9 wá báze Sándamát tú bazar gorí bélla Aikkab ot aiyér dé Ruáinga ókkol ór buth ekkán Guaillar-Dheil or fañs gooir ot mazé dhufí becá bicí Ruáingar gura gura morot fuain maiya fuain ókkol mori cóyid óigiyói. Buth ot manúic beggún é háith-fañs (65) zon aiccíl. Kuri (20) zon or uore mori cóyid óigiyói. Kessú behúñc ór háalot ot mazé tuai faiyé. Ar kessú tuai nóofa. Fañs zon manúic zinda faiyé bóuli hóbor faagiyé. 
Añára ré Bormár hókumot e rasta gáñth bon gorí eroon or zoriya 
hótara rasta ókkol bái, añárar tú aá zaa gorá fore. Yián ó Arakan ottú Ruáinga koum ókkol fúrai félai bélla Bormár hókumot or zulúm.