Rohingyalísh hóde íba ki?

Rohingyalísh hóde íba uggwá Rohingya ókkol ór leká zibá bicí asán, forité, lekíte, buzíte, kiállah hoilé, leká lói hotá lói ebbre borabor dé ótolla.

Tóile ibá hondila de?
1. Ibát máze, seróf 26 wa Ingilíc ór hórof ókkol, zana forer ar duwá noya hórof zana forer, Ñ arde Ç, tóile beggún é 28 wá hórof óiye.

2. Noya duwá hórof ñ arde ç fottí zagat lekáza, mubáil ót, komputar ót, iPad ot yá oinno zehonó zagat lekíbélla mockil noó. Windows ót máze keyboard US International estemal goillé cúndor gori lekífare. Dhen dhákor Alt-a, Alt-e, Alt-i, Alt-o, Alt-u loi áéíóú lekífare. Alt-n arde Alt-, (comma) loi ç leká za.

3. Mubáil ót mazé “a” sibi dórile á (a-gutá) dahá zaibou, éndila é, í, ó, ú yó  e, i, o, u sibi dórilé dahá zaibou. C ré sibi dórile Ç daháza, éndila N sibi dórile Ñ daháza, hórof íin loi bellá.

4. Añárattú foóila vawel (zerzobor) 6 wá ré buzá foribóu, íin ór abas  fottí uggwá seróf ek dhoilla abas neelibóu de.  A, E, I, O, U, OU Inglíc ór dhóilla no bodole.

5. Ar ekkán zana forerdé, añáráttu Fakkáraiya abas, Thana abas hoói asé.
Mesá:  ai ei oi ui    arde  aa  ee  ii oo  uu  

6. Ahérit zana forerdé  T  arde Th  forkók,  D arde Dh forók.
Mesál:  Tuta, Tara, Duadi, Duan, Thala, Thambu, Dhail, Dhula.