|      Burai Sári Gom Cíkho           |

(1)  Nafórot gorínya ré muhábbot gorí saáyyó, maníc híba yé assé-assé nafórot gorá sári phílibó. 

(2) Gail dinya ré gail no di, norom kotá loui juwab di saáyyó, maníc híba yé tuáñr kotá ré amól goríbo. 

(3) Guccá walar loge guccá no solai, muk gali áñci yóre kotá kouí saáyyó, maníc híbar guccá ré íng goríbo.

(4) Hámickón bura amól ekkán óre sári, gom amól ekkán cíki bótlah kucíc gojjó, khásilot bodoli aáibo.

(5) Elóm cíkhinya ókkol, elóm óre amól gorí saáyyó ar gom zagat estemal gojjó, elóm ór kimot koddúr ahol ot aáibo. 

(6) Ehésanir cúkuria adai gorí saáyyó, ehésani gorínyar dil ot mazé, tuáñr lá ador baríbo.

By Rashid Ahmed