Rohingyalish – Page 6 – Rohingya Language Foundation

Hóro thaiyon (Tomato)

April 24, 2016

Hóro Thaiyon Hóro thaiyon óre Ingilíc ót tomato bouli hoó. Añárar zuban ot kessú maincé seróf thaiyon bouli hoó. Baiyon arde thaiyon nam ekkán lói ekkán bicí bone. Hóro thaiyon or rong kisím kisím óit fare zeén néki bicí lal, hom lal, óilodda yá keñsa háil rong. Daktor ókkol é hoóde adá keñsa háil mikka thaiyon gaar lá bicí gom, ebbre lal thaiyon ottú áro. Thaiyon or fáaida ókkol becá bicí asé. Thaiyon dasé gaat lá sóbse beétor óde hánar bútore asé. Gaar lou sáf goríbélla sóbse bicí gom, ziyán é gaat mazé gáa arde feñsara óitou node. Aró háñtdhi’lla […]

Amm (Mango)

April 23, 2016

No Comments

Amm ókkol Amm oré gorom zaga ókkol ót, loot faaza. Thándha zagat amm noó. Amm or cokól boóut dhóilla óifare, gul, lamba, gulguilla, lambaicca kisím kisím asé. Amm uggwá 5 ottú 15 santi foijjonto lamba óitfare ar uzón ót mazé 150 to 750 gerem foijjonto bór óitfare. Amm or baár ór sam óilde telteilla. Amm or rong dasé kessa óile háil, ar foona óile cúnar rong, yá óloiddá óitfare. Amm or gusso óilde roc ola miçá, mogor kessú amm hóro óitfare, beec híssa keñsa óde óile. Amm ot mazé boóut fáaida ókkol asé. Amm háile fuñdor añtit gáa yá kensar […]

Cómo (Time)

April 20, 2016

No Comments

Cómo Cómo bodoli zagói, zibon or fúañre, Zibon bodoli zagói, taaluk or fúañre. Mogor taaluk no bodole, afon zon or fúañre, Seróf afon zon bodoli zagói, cómor fúañre. Ou! cómo, félai no zaisgói moré, baicfoni haçai dilám, tor fúañre. Afsús lage, zodi uçé tor furani Mor zibon asé, hámickóm tor fuáñre. Time Time changes with life, Life changes with relationship. But relationship does not […]

Ruáinga ókkol buth dhufí morer

April 19, 2016

No Comments

RUÁINGA ÓKKOL BUTH DHUFÍ MORER Arakan or Sándamát tú aiyér dé, Ruáingar buth ekkán Aikkab or Guaillar-Dheil or sor ot mazé dhufí, becá bicí Ruáinga ókkol mori cóyid óigiyói. Sándamát tú Aikkab ot mazé aiyér dé buth íin, dui házar baró (2012) cón or age, Aikkab or bor bazar or gáñth ot ouzi tóu. Dui házar baró (2012) cón ot mazé Mogh ókkol é, Musúlmán ór gór arde duan ókkol fura di, refújír keém gólai di baade loti, buth íin bor-bazar or gáñth ot ouzi noó fare. Aikkab or Guailar-Dheil or gáñth ot ouze. Ipril or 19 tarík 2016 ot […]

Añárar tún hóiye ki, óu Ruáinga zati

April 16, 2016

No Comments

AÑÁRAR TÚN HÓIYE KI, ÓU RUÁINGA ZATI Añárar tún hóiye ki, óu Ruáinga zati, monzil añárar hoçé, bilkúl áñzai féilli. Ek dhéilar tú ar ek dhéilat uri uri, fakír moton añára bahá árai féilli. Sára fitímbir kulot, suk áñçai sailám aññí, Ruáinga koum or moton uggwá ar honó koum nái. Foror gór ót foror duar ot zúri zúri, nizor gór or cúk cánti kén foórai féilli. Añárar tún hóiye ki, óu Ruáinga zati, monzil añárar hoçé, bilkúl áñzai feillí. Ek dhéilar tú ar ek dhéilat uri uri, fakír moton añára bahá árai féilli. Zarár gór nái, zarár tór nái, zarár matá nái, tarár […]

What is Rohingyalish? Discussion in Al Jazira News

April 12, 2016

No Comments

Please watch this video below to know what is Rohingyalish properly Rohingyalish hóde íba ki video ibát cúndor gorí soó. Thank you for watching this video. Rohingyalish hóde ki? 1. Rohingyalish hóde uggwá Ingilíc hórof loi bana giyéde uggwá Rohingyar zuban. Rohingya zuban oré oinno hórof ókkol loi yó bana giyéde asé. 2. Ingilíc lói bana giyéde ótolla ‘Rohingya’ nam or muúntu ‘lish’ lagai diyagiyé, ótolla ‘Rohingya‘+’lish‘ yá Rohingyalish bóuli huwázar. 3. Rohingyalish nam yián zehonó thaim ot bodola zaitfare zodi beétor daháza. 4. Ingilíc hórof loi kiálla bana giyé hoilé, Komputar, Intarnét, Mubáil arde oinno hárr elektruník micín ót lekíte […]

Kelar sára (Banana branch)

April 11, 2016

No Comments

Kelar sára (Banana branch) Kelar sára ibát, homas-hom, kela dui cót foijjonto tákibou. Kela ibár nam óilde siní-sámba kela, zuún bicí moza, arde miçá. Bazu kelar sára ókkol eddúr bór de, kela gas údda báñgi meçit foriza gói. Kela gura gura óile yó, mogor bicí sinsina moza, ebbre. Egaza háibella mone hoó. Uggwá hái faille, din mon cánti ói zagói. Kela loi kela fiçá yó banai fare. Kela loi kelar córbot ó banai fare. Kela háile feth norom táke, ar cúndor gorí, baáre zaifare, ar feth hocá aséde ítarallá bicí gom. Kela loi úrum loi fúañti háile yó, bicí moza, […]

Bála Hotá ókkol ( Good words)

April 6, 2016

No Comments

Bála Hotá ókkol ( Good words) Abdul Aziz modorósat giyé. Baba ál soitóu giyé. Mamá yé soil basér. Dáf gorí sóbok yiad gor yiad ófan. Moocá, zal banai bahá baindé. Nosima Hátun moris baçer. Laila Hátun foóir ót fanír lá giyé. Omáa, añáre bodda ye maijjé. Añártú búk laiggé. Bil or mazé muicór larái dibou hoiyé. Abdul Aziz azan diyé. Numáz foittóu zar. Baazi, Boshira yé bát no hái hañder. Obáa, Abul Háshim fonná yiad no gorér. Credit: Mv Abdur Rahaman Abul Kasim Dinuwi

Nobi Ókkol Ór Boc [Ages Of Prophets]

April 3, 2016

No Comments

NOBI ÓKKOL ÓR BOC (Ages of Prophets) Hon hon nobi (poikambor) ókkol é hodún hodún hóyat faiyé. Allahr kitab ókkol ór leká mózin fundóro wá nobi ókkol ór boc zana asé. [1] Hózorot Adóm (AS) é ek házar (1000) bosór hóyat fayé. [2] Hózorot Nuú (AS) é nocó fonzaic (950) bosór hóyat faiyé. [3] Hózorot Cuáib (AS) é añcthocó ací dui (882) bosór hóyat faiyé. [4] Hózorot Sáale (AS) é fañscó ací só (586) bosór hóyat faiyé. [5] Hózorot Zokoriya (AS) é duicó háñt (207) bosór hóyat faiyé. [6] Hózorot Ibarahím (AS) é ekcó nobboi fañs (195) bosór […]

Allahr Cúkuria Goró (Thanks to Allah)

March 28, 2016

No Comments

ALLAHR CÚKURIA GORÓ 29 tarík Maarec 2016 Hózorot Muúsa nobi aláihísalam ór zobanat mazé át arde théng sará cúde madala gán aséde uggwá manúic aiccíl. Ek din hózorot Muúsa Allahr loi súwal juwab gorí bélla, dola óitou zar dé cómot, át théng sára madala manúic cwá yé loot faiyé. Muúsa ré madala manúic cwá yé hoór dé, ái Muúsa, tuñí Allahr loi dola óile, añár torfóttu ekkán súwal goijjó naa. Muúsa ye hoórde ki súwal goittám hoó naa. Madala manúic cwá yé hoórde, añár tú át o nái, ar théng o nái. Allah yé añáre hon hazollá banai yé de […]